Ndeshjet e Ligës së Kampionëve në Bernabéu janë një skenë e madhe në çdo aspekt — jo vetëm për futbollin, por edhe për prapaskenat e merkatos.

Përfaqësues, drejtorë sportivë mbushin zonat rreth stadiumit, ndërsa shpesh një paraqitje e madhe në Madrid ka ndryshuar të ardhmen e shumë futbollistëve. Lewandowski, Mbappé dhe të tjerë e kanë përjetuar këtë efekt.

Pas ndeshjes kundër Manchester Cityt, Erling Haaland la sërish të kuptohet se magjia e Santiago Bernabéut vazhdon ta tërheqë, shkruan Diario AS, përcjell Arbresh.info.

Norvegjezi deklaroi se stadiumi madrilen është “një nga skenat e tij të preferuara” dhe se gjithmonë e shijon të luajë aty. Ai gjithashtu vlerësoi Asencion dhe Rüdigerin për karakterin e tyre konkurrues gjatë duelit.

Deklaratat e tij rikthyen në qendër të vëmendjes një detaj thelbësor të kontratës së re me Cityn, klauzolën e lirimit, një element tipik i menaxhimit të agjentes Rafaela Pimenta, trashëgimtare e stilit të Mino Raiolës.

Kjo klauzolë mund të aktivizohet vetëm nga lojtari dhe asnjëherë për klube të Premier League.

City i dha Haalandit statusin që ai kërkonte, rrogën më të lartë në skuadër dhe rolin e liderit absolut — por në këmbim pranoi kushtin e tij kryesor të kontrollojë vetë të ardhmen.

Norvegjezi ka nënshkruar një kontratë prej tetë sezone e gjysmë, por falë klauzolës, ka hapur gjithmonë derën për një lëvizje në momentin që e sheh të arsyeshme.

Aktualisht, Haalandi duket më i integruar dhe i lumtur se kurrë te City, por gjestet e tij në Bernabéu dhe deklaratat pas ndeshjes vazhdojnë të lënë gjurmë./Arbresh.info